主页 > 相机疯狂 >珍宝元贝海胆汉堡! 创意日菜做宵夜 >
珍宝元贝海胆汉堡! 创意日菜做宵夜
2020-07-24
最近天气麻麻，成日天阴阴，又时不时落雨，唔知各位食家有无畀咁坏嘅天气影响胃口呢？唔紧要，而家即刻为你介绍一款全新汉堡醒醒胃，等你放咗工之后即刻去充充电！唔好质疑住，呢款汉堡绝非等闲之辈，亦绝对唔会「食滞你」嘅，是关佢并非以两块麵包夹住块汉堡扒，转而由两块激厚嘅炙烧珍宝元贝刺身夹住一堆北海道海胆，呢款汉堡，应该可以救返向位食家呢几日「郁郁不欢」嘅胃口，真係食多几个都唔怕滞呀！「今晚仲要OT，点食呀？」，唔紧要，提供呢款「汉堡」嘅食店设有营业至凌晨1点半嘅宵夜时段，有心就有一定食得到！
珍宝元贝海胆汉堡
店主话除咗元贝同海胆要够鲜外，紫菜亦要够脆！呢款汉堡为一家创意日式料理店嘅新品，有无勇士想去挑战吓呢？
介绍完呢个咁有创意嘅元贝海胆汉堡，唔知唤得醒你哋胃口未呢？呢家食店主打日式创意料理，讲到明旨在要唤醒胃口，等我哋嚟睇吓佢仲有咩得意之作先！
招牌菜 八寸海幸卷
同样有元贝、海胆做食材，加上三文鱼籽，竟然可以做出呢款美轮美奂嘅卷物！呢款卷物美味与「美貌」并重，除咗「谋杀」唔少网上食家嘅菲林（呀！即係记忆体）外，更得到非常识食嘅Karene 麦贝夷同 Angela 区文诗于个人Instagram 推介，认真厉害！
秘製蒜泥沖绳豚白肉
日本食材混四川麻辣风味够哂创新，我相信大家食某麵店嘅「蒜泥白肉」就食得多，究竟呢间以沖绳豚肉做主嘅菜式又掂唔掂呢？
继续阅读：创新平民二人宵夜怀石套餐
二人宵夜怀石九宫格套餐 订位价（一日前）$398，Walk-in价$438
呢个怀石料理宵夜套餐绝对唔惹笑，以九宫格形式呈上分别用到汁煮、烧、炸、焖等不同方法製作嘅套餐前菜，位于正中嘅矶烧鲍鱼仲受到食客一致好评，做到甜又爽又烟靭嘅感觉的确不易。套餐另有海鲜味噌汤、焗杂菌同每人一杯德国生啤，一边食一边同对面果个倾吓计，无胃口都变有胃口！价钱唔贵，放工可以接埋另一半或者隔离位个同事一齐去差差电！不过大家要留意，呢个宵夜套餐只係供应到2月29日，想平D又想确定有位的话，记得订位！
八寸酒食．串烧．私房料理
地址：铜锣湾骆克道487号骆克駅15楼
电话：3907 0204
营业时间：11am-2:30pm，5:30pm-1:30am
平均消费：$200 /位
备注：
1. 消夜时间10pm-1:30am（12:45am last order）
2.设加一，只收现金